when i took this i wis imaginin that this wis whit the scene might o been in 1297 the day afore yin o ma countries greatest victories at stirling brig wallaces monument is in the background lookin over the battlefield..a wee song

Doon by Stirling Brig
Wallace lay a-hiding
As the English host
Frae the Sooth cam riding
Lood the river Forth
Atween them baith was roaring
Nerra were the sides
O’ the Brig o’ Stirling.

(2)

Watching frae the wid
Wallace and the Moray
As the English cam
Wi the Earl o’ Surrey
Ane by ane they crossed
As the brig was birlin
Still they onward cam
Ower the Brig o’ Stirling.

(3)

Wallace gied the shout
Oot his men cam rinnin
Stopped the English host
On the Brig o’ Stirling
Cressingham turned roon
The Brig was sma’ for turning
Morey cut him doon
On the Brig o’ Stirling

(4)

A’ the English men
Ran intil each other
Nane could turn aboot
Nane could gae much further
Some fell ower the side
An’ in the Forth were droonin
Some were left tae dee
On the Brig o’ Stirling

(5)

Surrey he was wild
Couldnae ford the river
Wished wi’ a’ his micht
That the Brig was bigger
Then he rade awa
Lood the man was cursing
Wallace an’ his men -—
And the Brig o’ Stirling.

slainte joak